Uşağlar mahnilari

Ana və qız
Dilarənin anası
Adlı-sanlı neftçidir.
Neft uğrunda yarışda
Həmişə birincidir.

O, qabaqcıl olmuşdur
Hər bir zaman işində,
Şanlı Lenin ordeni
Parıldayır döşündə.

Dilarə deyir: ondan
Geri qalsam mən əgər,
Bütün dostlar, tanışlar,
Onda mənə nə deyər.

Odur ki, çox həvəslə
Girişir hər bir işə,
Dilarə də məktəbdə
Əlaçıdır həmişə.

Elə bil ki, ana, qız
Bir-birilə yarışır.
Belə ana, belə qız,
Bir-birinə yaraşır.

Bağçamız
Bax, nə gözəl şirin-şirin barın var,
Armudun var, narıncın var, narın var!
Bizim kimi ayrılmaz dostların var!

Nəqərat:

Allı-güllü, sarmaşıqlı bağçamız,
Ey bəzəkli, yaraşıqlı bağçamız.

Gözləmirik təbiətdən mərhəmət,
Təslim olub o da bizə nəhayət.
Dostumuzdur azad əmək və zəhmət.

Nəqərat:

Qoruyuruq biz səni illər ilə,
Bəsləyirik zəhmətkeş əllər ilə.
Sulayırıq alnımızın tərilə.

Nəqərat.

Balaca kapitan
Vannaya tökdüyüm su
Dəniz tək ləpələnir.
Mənim balaca gəmim
Gah qalxır, gah da enir.

Budur, fit verib bərkdən – dü!
Suları yara-yara.
Ayrılaraq sahildən – du!
Gedir çox uzaqlara.

Gəmi göyərtəsində
Dayanmışdır matroslar.
Onlara geydirmişəm
Qızıl düyməli paltar.

Ey matros! Möhkəm dayan – du!
Möhkəm saxla sükanı.
Bax, belə əmr eyləyir – du!
Gəminin kapitanı.

alinti

Balaca neftçiyəm
Neftçidir mənim atam,
Işləyir yorulmadan
Xəzərin qucağında.
Döşündə nişanı var,
Onu hamı tanıyır
Abşeron torpağında.

Neft çıxarır sulardan,
Deyir: “Kərək hər insan
Bağlı olsun vətənə!”
Atamın bu sənəti,
Işinə məhəbbəti
Yaman xoş gəlir mənə.

Hərdən söz düşən zaman,
Ya bir qız, ya bir oğlan
Soruşur nəçiyəm mən?
Baxıb gülümsəyirəm,
Uşaqlara deyirəm:
“Balaca neftçiyəm mən”.

alinti

Bahar
Günəş doğdu,
Oyandı kənd.
Qızıl nura
Boyandı kənd.

Şəfəq düşdü
Narın-narın,
Üzərinə
Göy dağların.

Sürüləri
Yatağından,
Örüşlərə
Sürdü çoban.

Hamı çıxdı
Dəstə-dəstə,
Tarlalara
Bax, iş üstə.

alinti

Cücələrim
Cib-cib cücələrim.
Cib-cib-cib-cib cücələrim.
Mənim qəşəng cücələrim,
Tükü ipək cücələrim.

Gözləyirəm tez gəliniz,
Göy çəməndə dincəliniz.
Ay qəşəng cücələrim,
Tükü ipək cücələrim,
Mənim göyçək cücələrim.

Cib-cib cücələrim.
Cib-cib-cib-cib cücələrim.

Nə yesəniz mən verərəm,
Su verərəm, dən verərəm
Ay qəşəng cücələrim,
Tükü ipək cücələrim,
Mənim göyçək cücələrim.

Cib-cib cücələrim.
Cib-cib-cib-cib cücələrim.

Arzum budur boy atasız,
Ananıza tez çatasız.
Ay qəşəng cücələrim,
Tükü ipək cücələrim,
Mənim göyçək cücələrim.

alinti

Çıq-çıq
Saat yeddi: çıq-çıq, çıq-çıq.
Qalx yataqdan, bağçaya çıx.
Bax açılan çiçəklərə
Gəz, şehli gül dərə-dərə.

Nəqərat:

Gün çıxmadan sərin-sərin,


Havasını ud səhərin.
Kim çox yatsa səhər-səhər,
İştahası tez kəsilər.

Erkən gəzsə bağ-bağçanı,

Möhkəm olar onun canı.
Qalx yataqdan, bağçaya çıx.
Çıq-çıq, çıq-çıq.
Çıq-çıq, çıq-çıq.

Nəqərat.

alinti

Gənc idmançılar mahnısı
Polad kimi bədənimiz,
Gənc idmançı adımız var.
Qüvvətliyik, sağlamıq biz,
Sıramıza gəlin, dostlar!

Nəqərat:

Bizə yarış meydandır


Düzlər, çaylar, gen üfüqlar...
Hər oyunda, hər yürüşdə
Üzümüzə gülür zəfər.

Məşq edirik yorulmadan,

Bərkiyirik gündən-günə -
Yeni-yeni zəfərlərə
Çatmaq üçün sabah yenə.

Nəqərat.

Ucal, idman şərəfimiz


Yaxınlarda, uzaqlarda!
Qoy dolansın sorağımız
Hər obada, hər diyarda.

Nəqərat.

alinti

Gözəl Vətən
Bizim vətən nəğməmiz
Uzaqlara yayılsın.
Səsimizdən hər tərəf
Yuxusundan ayılsın.

Nəqərat:

Gözəl vətən, can vətən,


Qoynu gülüstan vətən.
Gözəl vətən, can vətən,
Bizə mehriban vətən.

Yayda başı qar olar

Papağı şiş dağların.
Verər bizə çoxlu bar
Qoynu geniş bağların.

Nəqərat.

Sən xoşbəxt böyüdürsən


Bizi hər gün, hər saat.
Göylərə uçaq deyə,
Bizə verirsən qanad.

Nəqərat.

alinti

Günəş
Günəş getdi yatmağa,
Bizim Gülüş də yatır.
Səhər qızı yuxudan
Qızıl günəş oyadır.

Günəş yenə bu səhər,
Pəncərədən baxırdı.
Qız gözünü ovaraq,
Anasını çağırdı:

“Günəş məni yatmağa
Ay ana, niyə qoymur?
Qızım, günəş deyir ki,
Mən durmuşam, sən də dur”.

alinti