Yanvar ayında havanın orta aylıq temperaturunun iqlim normasına yaxın və bir qədər aşağı olacağı gözlənilir. Aylıq yağıntının miqdarının iqlim normasına yaxın, bəzi yerlərdə isə bir qədər çox olacağı ehtimal olunur.
Lent.az-ın Ekologiya və Təbii Sərvətlər Nazirliyinin Milli Hidrometeorologiya Departamentinin Hidrometeoroloji Proqnozlar Bürosunun baş hidroloqu Asif Verdiyevin Lent.az-a
verdiyi məlumata görə, yanvarın birinci ongünlükdə havanın temperaturunun iqlim normasına yaxın, ikinci və üçüncü ongünlüyün bəzi günlərində isə temperaturun normadan bir qədər aşağı olacağı gözlənilir.
Bakıda və Abşeron yarımadasında orta aylıq temperatur 2-5 dərəcə isti gözlənilir ki, bu da iqlim normasına yaxın və bir qədər aşağıdır. Gecələr 1-3 dərəcə isti, ayrı-ayrı günlərdə 2-7 dərəcə şaxta təşkil edəcək. Gündüzlər 5-10 dərəcə isti, birinci ongünlüyün birinci yarısında 12-dək isti, bəzi günlərdə isə 2 dərəcə şaxtadan 3 dərəcəyədək isti gözlənilir.
Yağıntının aylıq yağıntının miqdarının iqlim normasına yaxın, bəzi yerlərdə (norma 18-28 mm) isə normadan bir qədər çox olacagı proqnozlaşdırılır.
Naxçıvan Muxtar Respublikasında orta aylıq 2-6 dərəcə şaxta gözlənilir ki, bu da iqlim normasına yaxın və bir qədər aşağıdır. Gecələr 8-13 dərəcə şaxta, ayrı-ayrı günlərdə 20-25 dərəcə şaxta təşkil edəcək. Gündüzlər 3 dərəcə şaxtadan 2 dərəcəyədək isti, bəzi günlərdə 5-10 dərəcə şaxta gözlənilir. Yağıntı aylıq yağıntının miqdarının iqlim normasına yaxın (norma 14-25 mm) olacagı gözlənilir.
Yuxarı Qarabağ: Xankəndi, Şuşa, Xocalı, Xocavənd; Qubadlı, Zəngilan, Laçın, Kəlbəcər və Daşkəsən, Gədəbəy rayonlarında orta aylıq temperatur 1-4 dərəcə şaxta gözlənilir ki, bu da iqlim normasına yaxın və bir qədər aşağıdır. Gecələr 3-8 dərəcə şaxta, bəzi günlərdə 15-20 dərəcə şaxta təşkil edəcək. Gündüzlər 2 dərəcə şaxtadan 3 dərəcəyədək isti, bəzi günlərdə 5-8 dərəcə şaxta gözlənilir. Yağıntı aylıq yağıntının miqdarının iqlim normasına yaxın, bəzi yerlərdə (norma 16-24 mm) isə normadan bir qədər çox olacagı gözlənilir.
Qazax-Gəncə, Goranboy, Tər-Tər-Ağdam-Ağcabədi-Füzuli-Cəbrayıl rayonlarında orta aylıq temperatur 2 dərəsə şaxtadan 3dərəcəyədək isti gözlənilir ki, bu da iqlim normasına yaxın və bir qədər aşağıdır. Gecələr 2-4 dərəcə şaxta, bəzi günlərdə 8-13 dərəcə şaxta təşkil edəcək. Gündüzlər 2-7 dərəcə isti, bəzi günlərdə 3-7 dərəcə şaxta gözlənilir. Yağıntı aylıq yağıntının miqdarının iqlim normasına yaxın, bəzi yerlərdə (norma 10-32 mm) isə normadan bir qədər çox olacagı gözlənilir.
Balakən, Zaqatala, Qax, Şəki, Oğuz, Qəbələ, İsmayıllı, Ağsu, Şamaxı, Siyəzən, Şabran, Xızı, Quba, Xaçmaz, Qusar rayonlarında orta aylıq temperatut 0-4 dərəcə şaxta gözlənilir ki, bu da iqlim normasına yaxın və bir qədər aşağıdır. Gecələr 2-7 dərəcə şaxta, bəzi günlərdə 15-20 dərəcə şaxta təşkil edəcək. Gündüzlər 1-6 dərəcə isti, bəzi günlərdə 3-8 dərəcə şaxta gözlənilir. Yağıntı aylıq yağıntının miqdarının iqlim normasına yaxın, bəzi yerlərdə (norma 22-49 mm) isə normadan bir qədər çox olacagı gözlənilir.
Mərkəzi-Aran: Ağdaş, Mingəçevir, Yevlax, Kürdəmir, İmişli, Beyləqan, Sabirabad, Biləsuvar, Saatlı, Şirvan, Hacıqabul, Salyan, Neftçala rayonlarında orta aylıq temperatur 1 dərəcə şaxtadan 4 dərəcəyədək isti gözlənilir ki, bu da iqlim normasına yaxın və bir qədər aşağıdır. Gecələr 3 dərəcə şaxtadan 2 dərəcəyədək isti, bəzi günlərdə 5-10 dərəcə şaxta təşkil edəcək. Gündüzlər 6-11dərəcə isti, bəzi günlərdə 0-4 dərəcə şaxta gözlənilir. Yağıntı aylıq yağıntının miqdarının iqlim normasına yaxın, bəzi yerlərdə (norma 17-30 mm) isə normadan bir qədər çox olacagı gözlənilir.
Masallı-Lənkəran-Astara-Lerik, Yardımlı rayonlarında orta aylıq temperatur 0-2dərəcə isti gözlənilir ki, bu da iqlim normasına yaxın və bir qədər aşağıdır. Gecələr 4 dərəcə şaxtadan 1dərəcəyədək isti, bəzi günlərdə 6-9 dərəcə şaxta təşkil edəcək. Gündüzlər 5-10 dərəcə isti, bəzi günlərdə 0-4 dərəcə şaxta gözlənilir. Yağıntı aylıq yağıntının miqdarının iqlim normasına yaxın, (norma 63-98 mm) bəzi yerlərdə isə bir qədər çox olacağı gözlənilir.
Qaynaq:Lent.az