Mənə bir təsəlli ver...

Konu: Mənə bir təsəlli ver... Ptsi Şub. 13, 2012 4:48 am

Mənə bir təsəlli ver...

Bir təsəlli ver mənə...
Elə bir təsəlli ki,
Son ümidim öləndə, ümid olsun o mənə.
Elə bir söz söylə ki, əcəl mənə gələndə
Alıb candan ruhumu, qonaq aparsın sənə.
Bir səbəb söylə mənə...
Bu yalançı dünyada
Bənd alıb yaşamaqçün, doğru tapım mən onda
Yada gözlərimdəki yaşlar dönüb buluda
Yağsın məni qovuran, içimdəki bu oda.
Bir kəlmə söylə mənə...
Nağıllara bənzəsin
Çoxdan mənə yad olmuş sevinc dolu təbəssüm
Bu yaralı qəlbimi bircə anlıq bəzəsin
Bir təsəlli ver mənə...
Yollarda qalan gözüm həsrət çəkməsin daha
Ovundursun könlümü, inam versin sabaha.
Susma nə olar söylə...
Söylə ki, əlimdəki yazan qələm susmasın
Dönüb bir vəfasıza o əhdini pozmasin
İnanıb gələcəyə yoldaşlıq etsin mənə
Unudub dərd-kədəri, sevgidən yazsın yenə.
Bir yalan söylə mənə...
Mən ona ümid deyib aldadım öz-özümü
Üstümə hücum çəkən sualların önündə
Bükməyim mən dizimi, onda tapım dözümü
O yalanı sən söylə, günahı mənim olsun
İnanıb bu yalana möhtac könlüm ovunsun.
Bir təsəlli ver mənə...
Əslində istədiyim nə dastan, nə hekayə
Müqəddəs bir kəlmədir nə surədir, nə ayə
İstədiyim bu kəlmə təsəllidir ömrümə
Yalanda olsa söylə, sevirəm söylə mənə.

Bu şeirimi oxuyub bəlkə mənə gülərsən
Mənə bu təsəlliyi, tək sən verə bilərsən.

Müəllif Ramin Nəbiyev.