AyMaRaLCaN Admin
Üyelik tarihi : 11/06/08
Mesaj Sayısı : 12267
Rep Gücü : 29249
Rep Puani : 235
| Konu: Halil Rıza Ulutürk'ten lay lay dedim yatasan şiiri Salı Mart 20, 2012 9:43 pm | |
| Lay-lay dedim, yatasan, Qızıl gülə batasan... Hardan gəlir bu səs-səda?
... Bəlkə illər arxasında Layla çalır gəlin ana...
Dörd qulac ip Bir yürüyü bənd eləmiş kəhkəşana. Layla çalır gəlin ana ...
Yelləndikcə kiçik yüyrük Gedib dəyir bu ulduzdan o ulduza. Layla axır... cocuq baxır, Bəs nə üçün mürgüləmir? Bayaq ana südü əmib, İndi ana ruhu əmir.
İllər ötdü, yaşa doldum, Anladım ki, ana dilim Ürəyimdən çıxmaz mənim, doğransam da dilim-dilim. Anladım ki, sinəmdəki sözlər deyil babaların nəfəsidir.
Dizlərimə taqət, qüvvət Gözlərimə işıq verən, Çənlibeldə at oynadıb şimşəklərlə qoşa gedən igidlərin nərəsidir. Bu dildədir yüz abidə, min abidə. Xilafəti parçalayan Babəkimin qəzəbi də.
Məhv olarsa bir gün bu dil, Göygöl onda Göygöl deyil. Qoşqar onda Qoşqar deyil. Öz dilini sən qala bil! Qərbə, Şərqə işıq salan Füzulini sən qala bil!
Sağdır dilim, demək, sağdır şərafətim, ləyaqətim. Sağdır, demək milyard yaşlı məmləkətim.
Yüz hədəfə tuş etmişəm Sabirin hər sətrini mən. Salxım-salxım nuş etmişəm şəhdini mən, ətrini mən.
Külək deyil, güllə açdı Təbrizimin yaxasını. Boğazından çıxartdılar loxmasını. Lakin yenə o, yaşadı qoruyaraq Möcüzün hər misrasını, Şəhriyarın dühasını.
Ulutürkün, ******ün anasıdır mənim dilim. İnqilabın şərqdə ilkin dalğasıdır mənim dilim!
Mənim dilim məğrur baxmış üzərindən gəlib keçmiş, ürəyini dəlib keçmiş oxların qanlı ucuna.
Baş əyməmiş fatehlərin qol zoruna, dil zoruna, qılıncına, qırmancına!
Baş əyməmiş... Baş əyməyir... Əyməyəcək. Cabbarlımın türbəsinə bahar özü qoyur çələng.
Ürəyimdə od qalamış min-min arzum, əhdim mənim. Bax, bu dildə qələm çalmış, "Alov", "Cavanşir" yaratmış Hüseyn oğlu Mehdim mənim.
Bax, bu dildə şer dedi Səməd Vurğun Astarada. Qucaq-qucaq gül gətirdi el qızları o ustada.
Qəlbim - bahar şəlaləsi, sevinc yığır, ah dağıdır. Mənim dilim- Göygöl, Xəzər, benim dilim - Şahdağıdır. Qoy dilçilər öcəşsinlər, yoxdu bəhsə meylim mənim. Heç bir dildən əskik deyil bəşərin dil ağacının şah budağı dilim mənim.
Təkcə cümlə deyil, təkcə səs deyil, Xalqımın gözünün odu, ziyası, canı, şah damarı, arteriyası, ən böyük mirasım sabahkı nəslə!
Zamandan zamana, əsrdən əsrə vuruşla yol gələn davalı dilim, Babək qılıncının davamı dilim!
Kim qoruya bilməyirsə öz yurdunu, yuvasını, udmasın yurd havasını.
Kim qorumur öz dilini, itsin mənim gözümdən qoy ilim-ilim. O sahili bu sahillə birləşdirən polad körpüm, qılıncımdır, günəşimdir mənim dilim.
| |
|