De necə barışım mən bu zamanla?

Konu: De necə barışım mən bu zamanla? Ptsi Nis. 16, 2012 5:45 am

Ədalət şam kimi əriyir allah
zor haqqı divara diriyir allah
yalan ayaq açıb yeriyir allah
bacara bilmirsə doğru yalanla
de nece barışım mən bu zamanla
Mərdlərin başını namərdlər yeyir
şərə göz vermiyib göz yumur xeyir
gedalar özünə şahənşah deyir
yaxşılar iş görür pislə yamanla
de necə barışım mən bu zamanla
Yayın istisində qışın qarında
kişi var yaşatmaq intizarında
neft qaz ölkəsində qul bazarıda
eşşək tək işliyir çulla palanla
de necə barışım mən bu zamanla
Mən vəhşi çimərlik gördüm bu yayda
diqqət faşəxana açılır hayda
ata maskıvada,ana dubayda
oğul parapetdə,qız özün anla
de necə barışım mən bu zamanla
Şairlər yazmasın sevgi şeirini
mecnunlar bulvarda gəzir leylini
erkəhlər erkəyə salır meylini
nigah bağlıyırsa zənan zənanla
de necə barışım mən bu zamanla
Kişi var ev satıb qız kirəliyir
firminni oteldə can şirəliyir
arvad uşağı isə baş girəliyir
bir parça çörəkə,bir baş soğanla
de necə barışım mən bu zamanla
Cinayət törədən hakim bizdədi
xəstəsin öldürən həkim bizdədi
özün kəsf etmiyən alim bizdədi
bu əsəbi başla,bu dərdli canla
de necə barışım mən bu zamanla
İndi bir şuar var yaşasın rüşvət
başda vəzifədi ayağda qeyrət
bu yolla haraya gedir bu millət
yolu kəsmək olmur hətda quranla
de necə barışım mən bu zamanla
Ata anasını oğraşlar bu gün
qocalar evinə edirsə sürgün
qarabağ alınar bu qeyri mümkün
dünyanı titrədən ahu fəqanla
de necə barışım mən bu zamanla
Hər kəs öz xeyirini güdür həyatda
bu işə allahda mat qalıb hətda
İki doğma qardaş bir damın altda
bir ocaq yandırır iki qazanla
de necə barışım mən bu zamanla
Haqqa yox nəfsədi indi etiqad
bir kimsə yoxsula etmiyir imdad
varlı öz dövlətin çəkdirir ey dad
kasıb öz çəkisin çəkən qapanla
de necə barışım mən bu zamanla
Varlı süfrəsində olan tox milçəy
durur ac kasıbdan hörmətdə yüksək
pul üçün fağıra hansısa eşşək
əgər əmr edirsə xoruz tək banla
de necə barışım mən bu zamanla
Kasıb nə deyirsə əşi deyirlər
dəlidir isləmir başı deyirlər
indi dövlətliyə kişi deyirlər
mənlik ölçülürsə dövlətlə şanla
de necə barışım mən bu zamanla
Dinlədikcə şeytan çalan havanı
eyliyirik haqqa qarşı davanı
çoxu məşəldəki haqqı divanı
səf salır embavutdakı divanla
de necə barışım mən bu zamanla
Mən nəsimi övladıyam ay arsız
sizə qalsa lap dərimi soyarsız
kəfənimə qələm vərəq qoyarsız
haqq dünyasını gözlüyürəm gumanla
de necə barışım mən bu zamanla
Xəyala dalıram bir an içində
günahsız əllərim al qan içində
bu şeiri yazmışam zindan içində
mən şair Ramizəm az məni danla
barışan deyiləm mən bu zamanla
İnsanlar qəlizdi dünyasa fani
böyük ehtiramla Ramiz Təkani