Bir mən olum bir sən bizə başqa kim lazımdı görəsən

Mən bir qaya olum mən bir dağ olum
sən sinəm ustundə ötən duman, çən
mən meşə qoynunda bir bulağ olum
sənsə mənim həzin, şirin zümzüməm
bilirsən o dəmdə nə istərəm
bir mən olum bir sən
bizə başqa nə lazımdı görəsən

Mən bir yamac olum bir düzən olum
sən düzən içində açan al laləm
mən gecə səninçün yanan şəm olum
sənsə ətrafımda süzən pərvanəm
bilirsən o dəmdə nə istərəm
bir mən olum bir sən
bizə başqa kim lazımdı görəsən

Mən bir ağac olum bir budaq olum
bil ki ayrılmaram heç vaxt kökümdən
mən budaq üstündə bir yarpaq olum
qorxuram payızdı,gələn xəzəldən
bilirsən ey gözəl nə istərəm
bir mən olum bir sən
bizə başqa kim lazımdı görəsən

Mən bir dəniz olum bir ümman olum
sən dəniz içində üzən bir gəmim
mən bir ümüd olum bir güman olum
qoymaram ki,solsun o ümüdlərin
gəl mənimlə nolar ol ginən həmdəm
bilirsən ey gözəl nə istərəm
bir mən olum bir sən
bizə başqa kim lazımdı görəsən

Yetim Eyvaz

» Heyat fani,olum ani